فتاویٰ نمبر 3

السلام علیکم ورحمتہ اللہ وبرکاتہ
تمام علماء کرام کی بارگاہ میں ایک درخواست ہے
سوال۔ مسجد میں اور ممبر رسول پر بیٹھ کر پان ،گٹکا،نشہ والی چیز کو کھانا کیساہے؟
اور اس طرح کی حرکت کرنے والے کے اوپر کیا حکم ہوگا؟
مع حوالہ جواب عنایت فرمائیں بہت مہربانی ہوگی

سائل محمد مشفق رضا مرادآباد یوپی انڈیا
الجواب بعون الملك الوهاب اللهم هداية الحق و الصواب
مساجد میں یا منابر رسول صلی اللہ علیہ والہ وسلم پر بیٹھ کر پان ، گٹکا کھاناسخت منع ہے 
 حدیث شریف میں ہے عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « مَنْ أَكَلَ مِنْ هَذِهِ الشَّجَرَةِ فَلاَ يَقْرَبَنَّ مَسْجِدَنَا وَلاَ يُؤْذِيَنَّا بِرِيحِ الثُّومِ ». ترجمہ :حضرت ابوہریرہ رضی اللہ عنہ سے روایت ہے حضرت رسول اللہ صلی اللہ علیہ والہ وسلم نے ارشاد فرمایا : جو شخص اس درخت سے کھائے وہ ہرگز ہماری مسجد کے قریب نہ آئے اور لہسن کی بو سے ہم کو تکلیف نہ پہنچائے
صحیح مسلم ج ۱ باب نھی من اکل ثومااو بصلا اوکراثا اونحوھا ،ص ۲۰۹، حدیث نمبر: ۱۲۷
جامع ترمذی ج ۲ص ۳میں حدیث شریف ہے : حضرت ابوایوب انصاری رضی اللہ عنہ نے حضور نبی اکرم صلی اللہ علیہ وسلم سے دریافت کیا،یارسول اللہ ! کیا لہسن حرام ہے ؟ آپ نے فرمایا: نہیں (وہ حرام نہیں ہے ) لیکن میں اس کی بو کی وجہ سے اسے ناپسند کرتا ہوں ۔ ۔ ۔ فَقَالَ يَا رَسُولَ اللَّهِ أَحَرَامٌ هُوَ قَالَ « لاَ وَلَكِنِّى أَكْرَهُهُ مِنْ أَجْلِ رِيحِهِ »
جامع ترمذی ج ۲باب ماجاء فی کراھیة اکل الثوم والبصل ،ص ۳،حدیث نمبر: ۱۹۲۰
لہسن پیاز وغیرہ کا استعمال گو کہ فی نفسہ مکروہ نہیں ہے تاہم اس کے استعمال کے بعد منہ سے بو آرہی ہو تو مسجد میں جانا مکروہ قرار دیا گیا ہے ۔ چوں کہ گٹکا اور سگریٹ کا استعمال اس کی کراہت والی بو کے سبب اور صحت کے لئے ضرررساں ہونے کی وجہ سے مکروہ ہے ۔ اس لئے گٹکا ‘ سگریٹ ‘ تمباکو ‘ زردہ کا استعمال بطور خاص مسجدوں کی حاضری کے موقع پر حد درجہ مکروہ ہے تو چہ جائے کہ مسجد میں بیٹھ کر پان یا گٹکا کھایاجائے
 ایسا کرنا آداب مسجد و ممبر رسول کے خلاف ہے اور یہ جائز نہیں ۔ 
لھذا ایسے شخص کو چاہئے کہ آداب مسجد کا خیال کرتے ہوئے آئندہ ایسی حرکت سے اجتناب کرے۔
واللہ اعلم بالصواب 
کتبہ محمد ضیاءالحق قادری فیض آبادی

Popular posts from this blog

غدار وطن اس کو بتاتے ہیں برہمن

بسم اللّٰہ الرحمٰن الرحیم  *غدار وطن اس کو بتاتے ہیں برہمن* *انگریز سمجھتا ہے مسلماں کو گداگر* اس شعر میں علامہ اقبال صاحب نے ہندی مسلمانوں کی حالت کا نقشہ کھینچا ہے اگر چہ  یہ شعر عہد حاضر سے 88 سال پہلے کہا تھا لیکن یہ شعر آج کے مسلمانوں کے حالات پر بالکلیہ صادق آ رہا ہے  ڈاکٹر صاحب فرماتے ہیں کہ برہمن  (براہمن ہندوؤں کی اونچی ذات کا نام ہے۔ ) تو  مسلمان کو غدار وطن گردانتے ہیں، ان کی سوچ تو یہ ہے کہ مسلمان اپنے زندگی کے شب و روز کو ہندوستان میں بسر کرتا ہے لیکن محبت عرب سے کرتا ہے یہ بات وطن پرستی کی رو سے وہ جرم عظیم ہے جس کی معافی کا تصور بھی نہیں کیا جا سکتا ہے ۔ ہندی مسلمان کا ان کے نزدیک دوسرا قصور یہ ہے کہ اپنی قومیت کی بنیاد وطن پر نہیں رکھتا ، جب اس سے پوچھا جاتا ہے کہ تم کون ہو ، تو وہ یہ نہیں کہتا کہ میں ہندی ہوں بلکہ بے ساختہ کہتا ہے کہ میں مسلمان ہوں ۔ تیسرا قصور یہ ہے کہ وہ اپنی پیاس بجھاتا ہے گنگا و جمنا سے پھل کھاتا ہے ان درختوں کے جو ہندوستان کی مٹی سے اگتے ہیں لیکن نام عربی رکھتا ہے زبان بولتا ہے تو بدیشی لباس پہنتا ہے تو وہ بھی بدیشی ۔ کاشی،...
Read more

فتاویٰ نمبر 1

کیا فر ما تے ہیں علماء کرام اس مسئلہ کے بارےمیں کہ کیا کافر کے یہاں تلاوت کر سکتے ہیں وضاحت کے ساتھ جواب عنایت فرمائیں  سا ئل فا طمہ خان الجواب بعون الملک الوھاب اللھم ھداية الحق والصواب  وعلیکم السلام ورحمتہ الله و برکاتہ کافر  کے مکان پر قرآن کی تلاوت کرنا جائز و درست ہے، بشرطیکہ وہاں ان کے دیوی دیوتاؤں کی تصویریں نہ ہو، اور نہ ہی کسی جاندار کی تصویر ہو۔  نائب مفتی اعظم ہند حضور شارح بخاری مفتی شریف الحق امجدی علیہ الرحمۃ والرضوان تحریر فرماتے ہیں؛  یہاں (ہندوستان) اس زمانے میں ہندوؤں کے گھر کسی مباح کام کے لئے جانے کی اجازت ہے تمام مسلمانوں کا اس پر عمل درآمد ہے، اس لئے کسی ہندو کے گھر جاکر قرآن مجید پڑھنا جائز و درست ہے جبکہ ہندو کے اس گھر میں جس میں قرآن خوانی ہوئی ہے نہ ہی کسی دیوتاؤں کی تصویریں ہو نہ ہی  کسی جاندار کی تصویر  ہو  *(فتاوی شارح بجاری جلد دوم صفحہ  ٥٥٠/ ٥٥١)* صورت مستفسرہ میں اس  بات کا  لحاظ رہے کہ اگر کافر کے گھر  میں تلاوت کرے تو  کسی جائز کام کے لئے ہو حرام کام کے لئے نہ ہو، ۔اور وہاں تلاوت قرآن سے ...
Read more

گستاخِ رسول صلی اللہ تعالٰی علیہ وسلم کی سزا قرآن و حدیث کی روشنی میں

گستاخ رسول صلى الله عليه وسلم کی سزا قرآن و حدیث کی روشنی میں* گستاخ رسول کی سزا اور اسکی معافی ازقلم۔ مفتی محمد ضیاءالحق فیض آبادی اگر کبھی ایمان کی پختگی کے ساتھ قرآن مجید و حدیث پڑھا ہو تو معلوم ہو کہ گستاخی رسول کی کیا سزا ہے  صرف اور صرف نام نہاد اسکالروں کی باتیں سن کر یہ کہہ دینا کہ قرآن مجید و حدیث طیبہ میں کہیں بھی گستاخ رسول اللہ صلی تعالیٰ علیہ وسلم کو قتل کرنے کا ذکر نہیں ملتا یہ بہت بڑی نادانی ہے ہم اپ کے سامنے قرآن مجید کی ایات کریمہ سے گستاخ رسول کا واجب القتل ہونا ثابت کرتے ہیں ۔ اللہ عزوجل سورہ فرقان پارہ ۱۹ ایات نمبر ۲۷تا ۲۹ میں ارشاد فرماتا ہے *اور جس دن ظالم اپنے ہاتھ چبا لے گا کہ ہاے کسی طرح سے میں نے رسول کے ساتھ راہ لی ہوتی واۓ  خرابی میری ہاے کسی طرح میں نے فلانے کو دوست نہ بنایا ہوتا* (کنزالایمان ) اللہ عزوجل سورہ توبہ ایت نمبر ۱۲ میں ارشاد فرماتا ہے کہ *اور اگر عہد کرکے اپنی قسمیں توڑیں اور تمہارے دین پر منہ آئیں تو کفر کے سرغنوں سے لڑو بے شک ان کی قسمیں کچھ اس امید پر کہ شاید وہ باز آئیں* (کنزالایمان) ان ایات سے صاف ظاہر ہے کہ  نبی کریم صلی اللہ...
Read more